Agnarsmár Marsbúi

"Marsbúinn" á myndinni lítur út fyrir að vera stór þegar maður hefur ekkert til að miða við. Staðreyndin er sú að þarna er um að ræða stein, örstutt frá Marsjeppanum Spirit í Kólumbíuhæðum í Gúsevgígnum á Mars. Myndin er hluti af stórri panoramamynd sem sést hér fyrir neðan:

Það finnur sennilega enginn Marsbúan agnarsmáa á þessari mynd. Í forgrunni er Marsjeppinn Spirit, rykugur eftir erfiðan rykstorm á Mars. Hann er á stærð við golfbíl eða svo. Hér getur þú aftur á móti séð stærri mynd þar sem búið er að merkja inn staðinn þar sem hann er. 

Marsjepparnir Spirit og Opportunity lentu á Mars snemma árs 2004 og hafa því verið í fjögur jarðarár á yfirborði reikistjörnunnar eða tæplega tvö Marsár. Hæðin sem Spirit jeppinn ekur um þessa dagan er nefnd til minningar um þá geimfara sem létust um borð í Kólumbíu geimferjunni árið 2003 á leið til jarðar. 

Í maí á þessu ári bætist nýtt geimfar við Marsflotann sem nú er að rannsaka Mars. Lendingarfarið Phoenix á að lenda við norðurpól Mars og rannsaka það sem þar er að finna. Spennó! 

Marsbúi eða garðálfur?

Athugasemdir

[Ásgrímur Hartmannsson, 25.1.2008 kl. 14:53]

Þessi mynd minnir mig á Hálendið.  Og nýja hraunið í eyjum, og myndir sem ég hef séð af Atacama-eyðimörkinni.