Dæmalaust léleg útskýring

Sem starfsmaður í fyrirtækinu sem Gunnar Örn rak fullyrði ég að annan eins siðleysingja hef ég aldrei kynnst um ævina.

Ég vissi að hann væri siðleysingi en mér datt ekki til hugar að hann væri svona heimskur:

„Skipan Gunnars bar brátt að og við nánari skoðun taldi hann starfið viðameira og fela í sér meiri bindingu en hann hefur aðstöðu til að inna af hendi."

Þessari dæmalaust lélegu útskýringu á ég afar erfitt með að trúa, nema hann hafi ekki nennt að vinna starfið sem hann sóttist eftir.

Maðurinn var á sínum tíma sýknaður af ákæru um vanrækslu í starfi (via svansson) þar sem hann tók ekki eftir því að 75 milljónir vantaði á reikninga Tryggingasjóðs lækna. Ég gef mér það að Steingrímur fjármálaráðherra hafi ekki vitað af þessu, né ævintýrum hans sem eigandi og framkvæmdastjóri fyrirtækisins sem ég starfa hjá í hlutastarfi, og þar af leiðandi ráðið hann. En svo hefur Steingrímur verið upplýstur um þessa skrautlegu fortíð og sagt honum upp. Það getur bara ekki annað verið.

Maður spyr sig hins vegar, hvers vegna í ósköpunum er ekki fortíð manna könnuð áður en þeim er treyst fyrir banka? Þetta eru ótrúlega léleg vinnubrögð en sem betur fer hefur Steingrímur séð að sér að afturkallað ráðninguna, reyndar með ótrúlega dapri skýringu.

Að svona skúrkur eins og Gunnar Örn komist svona langt er algjör hneysa! Ég mun aldrei skipta við nokkurt það fyrirtæki sem þessi maður kemur nálægt í framtíðinni. Svona maður á einfaldlega ekki að fá að reka fyrirtæki.

Ég er reiður út í hann, og ekki að ástæðulausu.

Gunnar Örn hættir í bankaráði Kaupþings

Athugasemdir

[Magnus (IP-tala skráð) 25.2.2009 kl. 17:00]

Vel til mála komið!

[Grettir (IP-tala skráð) 25.2.2009 kl. 17:04]

Hvaða grein stjörnufræðinnar tilheyrir þessi færsla?

[Stjörnufræðivefurinn (www.stjornufraedi.is), 25.2.2009 kl. 17:06]

Augljóslega ekki neinni enda hljótum við að mega tjá okkur um aðra hluti en stjörnufræði.

[Matthías Ásgeirsson, 25.2.2009 kl. 17:07]

Fjandakornið, ég var byrjaði í gærkvöldi að safna að mér heilmiklu efni til að skrifa um þessa ráðningu en hann hættir áður en ég birti færsluna.

[Stjörnufræðivefurinn (www.stjornufraedi.is), 25.2.2009 kl. 17:35]

Matti, ég hvet þig nú bara til að birta það. Mér finnst að sem flestir ættu að sjá hvernig mann hann hefur að geyma.

[Matthías Ásgeirsson, 25.2.2009 kl. 17:46]

Setti inn það sem ég var kominn með, þ.m.t. vísun á frávísunardóm Hæstaréttar. Verst að ég get ekki sagt allar þær sögur sem ég hef heyrt.

[Stjörnufræðivefurinn (www.stjornufraedi.is), 25.2.2009 kl. 17:49]

Trúðu mér, ég er með miklu bitastæðara en ég get látið flakka hér. Segi þér það á næsta hittingi. Það snertir mig og mitt fyrirtæki persónulega og þess vegna er ég svona reiður út í þennan asna

[Matthías Ásgeirsson, 25.2.2009 kl. 17:59]

Við skulum skiptast á sögum :)