Myndskeið af loftsteininum 2011 MD svífa framhjá jörðinni

Sem betur fer virka lögmál eðlisfræðinnar. Loftsteinninn sem von var á í gær sveif framhjá okkur í öruggri 12.400 km fjarlægð eins og menn höfðu spáð fyrir um með lögmálum Newtons. Hér undir er flottasta myndskeið sem ég hef séð af steininum nálgast okkur. Hann snýst eins og sjá má þegar birta hans minnkar og eykst til skiptis.

Einhvern vegin svona hefur þetta svo litið út frá sjónarhóli loftsteinsins:

- Sævar

Athugasemdir

[Bjarne Örn Hansen (IP-tala skráð) 28.6.2011 kl. 09:24]

Ég verð nú að segja að mér finnst myndin hálf óraunveruleg, og þá er ég ekki að tala um síðari myndina sem ég veit að er tölvulíking ... maður sér punkt, sem ekki nálgast jörðu en ferðast með miklum hraða fram hjá jörðinni.  Samt virðist kíkirinn fylgja eftir, ansi langa vegalengd, en ekki  vera nægilega nálægt til að sjá steininnn ...

[Stjörnufræðivefurinn (www.stjornufraedi.is), 28.6.2011 kl. 13:35]

Já, þetta er flott myndskeið en alls ekki jafn erfitt að útbúa eins og það lítur út fyrir. Það eina sem þarf er sjónauki og sjónaukastæði sem fylgir eftir hreyfingunni. Það er hægt að láta flest sjónaukastæði, dýr og ódýr, fylgja eftir einu tilteknu fyrirbæri, í þessu tilviki loftsteininum, í nokkrar klukkustundir.

Steininn er svo lítill að breyting upp á nokkur hundruð km til og frá þegar hann nálgast okkur á þessu myndskeiði breytir engu um hvort hann sýnist stór eða smár á myndinni. Hann er alltof lítill og daufur til þess að einhver smáatriði sjáist á honum.