Loftsteinn féll í gegnum húsþak

Þetta finnst mér skemmtilegasta frétt vikunnar. (Af einhverjum ástæðum birtist það ekki þegar ég "embedda" það hingað á bloggið.)

Sem betur fer slasaðist enginn þótt loftsteinninn hefði fallið á yfir 300 km hraða á klukkustund í gegnum húsið. Ég væri alveg til í að þetta kæmi fyrir mig. Þá ætti ég alla vega flottan stein og flotta sögu af því hvernig ég komst yfir hann.

Via Universe Today.com

----

Mig langar til að vísa á þrjú útvarpsviðtöl við mig í síðustu viku og þessari, ef svo ólíklega vildi til að einhver hafi snefil af áhuga á að hlusta.

• Reykjavík síðdegis - Bylgjan - Fimmtudagur 14. janúar - 15 metra langur óþekktur hlutur sem flaug framhjá jörðinni 
• Ísland í bítið - Bylgjan - Fimmtudagur 21. janúar - Myndir HiRISE af Mars
• Harmageddon - X-ið 977 - Fimmtudagur 21. janúar - Sólin og lítil sólvirkni (hefst ca. 16:15)

Í Vísindaþætti næstu viku, þriðjudaginn 26. janúar, ætlum við að fjalla um jarðskjálftana á Haítí, skjálftavirkni í Eyjafjallajökli og við Upptyppinga. Gestur þáttarins er Freysteinn Sigmundsson jarðeðlisfræðingur við Jarðvísindastofnun Háskóla Íslands. 

Athugasemdir

[Sverrir Gudmundsson (IP-tala skráð) 23.1.2010 kl. 15:03]

Ekki viss um að þú fengir samt neitt út úr tryggingunum ;-) Heppilegt að enginn skyldi slasast og að hann lenti hjá læknum sem hafa vonandi efni á að gera við húsið.