Rautt tungl á þriðjudagsmorgun

Þetta er nú heldur snubbótt frétt hjá Mbl.is. Við viljum aðeins vísa ykkur á betri umfjöllun hér, þar sem meðal annars má finna kort og myndskeið af ferlinu. Mbl.is myndi nú gera lesendum og áhugasömum greiða með því að vísa á ítarefni annars staðar. Það er ýmislegt áhugavert að sjá þótt það komi ekki fram í þessum stubbi.

Sjá hér http://www.stjornuskodun.is/frettir/nr/309

Veðurspáin er ágæt fyrir höfuðborgarsvæðið á þriðjudagsmorguninn. Vonandi að myrkvinn sjáist sem víðast.

Tunglmyrkvi sést á Íslandi

Athugasemdir

[Hörður Sigurðsson Diego, 20.12.2010 kl. 10:31]

Ég hlóð niður stellarium forritinu eftir að þið mæltuð með því og er alveg yfir mig ánægður með það. Þess vegna mæli ég með því að sem flestir sem hafa áhuga á sólkerfinu okkar og stjörnunum fái sér þetta forrit. Stellarium.org.

[Sverrir Guðmundsson (IP-tala skráð) 20.12.2010 kl. 12:59]

Ánægður með að heyra það. Mæli reyndar frekar með niðurhali af íslensku síðunni http://stellarium.astro.is því þar kemur sjálfkrafa upp íslenskt landslag, íslenska sem tungumál og Reykjavík sem staðsetning.

[Aðdáandi (IP-tala skráð) 20.12.2010 kl. 13:01]

Það er ekki hægt að bera umfjöllun ykkar saman við stubbinn á mbl.is nei. Hvaða stórskáld sér eiginlega um að búa til fréttirnar fyrir ykkur? Það er hreinn unaður að lesa um þessa jólakúlu.

[Hörður Sigurðsson Diego, 20.12.2010 kl. 13:57]

Já, þarf að muna það: http://stellarium.astro.is

Annars hef ég haft alveg óskaplega gaman af því að geta skoðað sólkerfið og stjörnurnar bæði frá öðrum stöðum á jörðinni og svo frá öðrum plánetum eins og stellarium býpður upp á. Mæli t.d. með því að fólk staðsetji sig á Venus og skoði hreyfingu tungls í kringum jörðina á 10-földum hraða!

[Stjörnufræðivefurinn (www.stjornufraedi.is), 20.12.2010 kl. 14:05]

Stellarium er alveg virkilega flottur hugbúnaður og ekki sakar að hann er ókeypis og á íslensku.

Aðdáandi, ég ber víst ábyrgð á þessari jólakúlu. Á ég ekki bara að segja takk!

Kv. Sævar