Hvernig varð járnið í blóðinu til?

Á laugardaginn (7. mars) heldur Einar H. Guðmundsson prófessor í stjarneðlisfræði við Háskóla Íslands erindi sem nefnist "Uppruni frumefnanna". Erindið er hluti af fyrirlestraröðinni Undur veraldar: Undur alheimsins sem efnt er til í tilefni af ári stjörnufræðinnar. Erindið hefst klukkan 14:00 og fer fram í stofu 132 í Öskju, Náttúrufræðihúsi Háskóla Íslands.

Það vita það eflaust ekki margir að járnið í blóðinu, gullið í gullforðum okkar og súrefnið í vatninu og loftinu varð til þegar stjarna endaði ævi sína. Vetnið í vatninu varð aftur á móti til í Miklahvelli. Einar mun fræða okkur um þetta á fyrirlestrinum á laugardaginn kl. 14:00.

Allir að sjálfsögðu hjartanlega velkomnir. Það kostar ekkert að hlýða á fróðleik um undur alheimsins.

"Fegursta tímarit landsins" verður að sjálfsögðu til sölu á staðnum.

Athugasemdir

[Ágúst H Bjarnason, 6.3.2009 kl. 13:30]

Heimspekistofnun stendur fyrir mjög áhugaverðri fyrirlestraröð um Byltingarmenn vísindanna. Sjá hér. Hvers vegna í ósköpunum er þess ekki gætt að þessir fyrrilestrar og fyrrilestrarnir um Undur alheimsins lendi ekki nánast á sama tíma?

Ég á erfitt með að ákveða mig. Langar að hlusta á báða. Kannski ég skreppi bara á skíði í góða veðrinu... 

Annað. Ég veit að margir fara á skíði um helgar á vormánuðum, fara í sveitina eða eru bara að sinna fjölskyldunni. Ég hefði talið miklu heppilegra að hafa svona fyrirlestra að kvöldi til í miðri viku.