Þótt maður hafi gengið á tunglinu hefur maður ekki endilega rétt fyrir sér

Edgar Mitchell gekk á Fra Mauro hásléttunni (þar sem Apollo 13 átti upphaflega að lenda) þegar Apollo 14 lenti þar árið 1970. En þótt maður hafi gengið á tunglinu hefur maður ekki endilega rétt fyrir sér.

Ég deili þeirri skoðun Mitchells að líf í alheimi sé algengt. Ég deili hins vegar ekki þeirri skoðun hans að geimverur séu að heimsækja okkur. Það eru nákvæmlega engin sönnunargögn sem renna stoðum undir þá hugmynd. Engin. Nákvæmlega engin. NASA er ekki að fela neitt. SETI er ekki að fela neitt. Vísindamenn eru ekki að fela nokkurn skapaðan hlut. Ríkisstjórnir eru ekki einu sinni færar um að halda einföldustu hlutum leyndum.

Ég skil ekki hvers vegna þetta er frétt. Edgar Mitchell er þekktur fyrir að hafa um árabil haldið á lofti alls kyns furðuhugmyndum. Þar fyrir utan er þetta ekki einu sinni spennandi. Mikið dauðöfunda ég hann annars af því að hafa gengið á tunglinu. Það eitt og sér er stórmerkilegt, miklu áhugaverðara.

Þetta er t.d. miklu áhugaverðara og varðar leit okkar að vísbendingum um líf og lífvænlegar aðstæður í alheiminum. 

Þagað um geimverurnar

Athugasemdir

[Óli Gneisti (IP-tala skráð) 20.4.2009 kl. 23:56]

Blaðamenn Moggans ættu kannski að leita í gagnasafninu sínu.

[Stjörnufræðivefurinn (www.stjornufraedi.is), 20.4.2009 kl. 23:57]

Haha, mér fannst einmitt eitthvað kunnuglegt við þess "frétt". Fannst ég hafa lesið þetta fyrir langa löngu.

Takk fyrir að finna þetta.

[jon (IP-tala skráð) 21.4.2009 kl. 00:18]

Ég hef aldrei komið til Kína, Kína er þá örugglega ekki til og myndirnar af þessum Kínverjum eru örugglega falsanir, eru þetta ekki annars Japanir? Það er er svo fyndið hvað fólk er fljótt að gera lítið úr fólki sem telur sig hafa orðið vitni af framandi lífverum, rök þeirra sem byðja um sannanir eru álíka vitlaus og að byðja trúaðan mann um sönnun um tilvist guðs, hinn trúaði mundi líklega segja þér að líta í kring um þig. Líkindareikningur segir okkur að það séu yfirgnæfandi líkur á lífi annars staðar en á þessari plánetu, við höfum jú farið til tunglsins, gætu þá framandi lífverur ekk hafa farið mun lengri vegalengdir? Ég þekki nokkra mjög heilbrigða íslendinga sem telja sig hafa séð ufo. Er það t.d. tilviljun hve tækniframfarir hafa verið örar á síðustu 50 árum? Gæri ekki verið tengls milli allra þeirra tækninýjunga sem Bandaríski herinn hefur dælt út og "fundinna" hluta úr geimnum..hver veit, ekki ég og ekki þið.

[Hafsteinn (IP-tala skráð) 21.4.2009 kl. 00:39]

Jón,

Sú "pláneta", í þeim sólkerfum sem eru næst okkur, sem líklegust þykir af vísindamönnum til þess að vera "ábúanleg" er ekki nema 20,5 ljósárum frá okkur og kallast Gliese 581.

20, 5  ljósár þýðir að það myndi taka þig 20,5 ár að fljúga þangað á mesta hraða sem mögulega er hægt að ná samkvæmt afstæðiskenningu Einsteins, semsagt á ljóshraða. Það tæki semsagt 41 ár að fljúga fram og til baka á ljóshraða án þess að stoppa.

Mig grunar einhvern veginn að "geimverur" sem hefðu lagt á sig yfir 41 ára langt ferðalag til þess heimsækja Jörðina myndu gera eitthvað skynsamlegra en að fljúga yfir litla sveitabæi og teikna einhverskonar tákn í akra. 

Svo mætti heldur ekki gleyma hverju sem þessar "geimverur" þyrftu að fórna til þess að ferðast svona langt, staðreyndin er nefnilega sú að samkvæmt afstæðiskenningunni þá stöðvast tíminn við ljóshraða, en það þýðir að þú eldist ekki um eina nanós-sekúndu á meðan á ferðalaginu stendur, þegar geimverurnar kæmu því til baka þá hefðu allir vinir og vandamenn þeirra elst um 41 ár en þær væru enn jafn gamlar og þær voru þegar þær fyrst lögðu af stað.

Þessi röksemd ein og sér er nóg til þess að taka nánast allan vafa af því hvort geimverur hafa heimsótt Jörðina eður ei. En þó eru til mun fleiri röksemdir gegn "heimsóknarkenningunni" en þær hef ég hvorki tíma né vilja til þess að telja upp hér og vísa þér því á google.

[Óskar Guðmundsson (IP-tala skráð) 21.4.2009 kl. 01:02]

Hann er ekki einn Apollo-leiðangursmanna til að taka undir UFO-cover USA.

Þar á meðal er nebblega Neil nokkur Amstrong...

[dodds (IP-tala skráð) 21.4.2009 kl. 01:05]

Hafsteinn,geimverur eru yfirleitt taldar frekar heimskar og ópraktískar.

[Hákon Einar Júlíusson (IP-tala skráð) 21.4.2009 kl. 05:22]

Úff þetta er án efa eitt heimskulegasta statement sem ég hef lesið (fer í safnið) og það frá mannveru sem er líklega stjörnufræðingur og hefur áhuga á geimnum og lífi annað staðar. Ég ætla mér ekki að mógða neinn og þér er fullkomlega frjálst að halda þessu fram en ég bara einfaldlega næ því ekki hvernig fólk sem hefur áhuga á þessum hlutum hefur ekki hæfileika til þess að teygja vitundina út fyrir mörk þröngsýnis vísindasamfélagsins sem er á stóran veg byggt á örfáum bókum eftir menn sem dóu fyrir mörgum árum.

Hefur það einhverntímann hvarlað að ykkur að tækni og þekkingarþróunin (hvað sem þið viljið kalla það) stoppaði ekki þegar menn fóru að finna upp hnífa til að skera brauðið sitt.

Þið svokölluðu "þekkingar & vísindamenn" eru yfirleitt ekkert skárri en öfgatrúarbragðasinnar sem bregast við með hroka og fullyrðingum þegar aðrir benda á ýmsa hluti í þeirra trúarkerfi sem stangast á við aðra hluti sem augljósir eru, bæði þeim sjálfum og öðrum og best að taka það fram að ég er ekki að gefa það í skyn að ég sé óandlegur. Þetta kallast að halda tveimur trúarkerfum hlið við hlið í huga þér sem stangast á við hvort annað og í þessu tilfelli er það það að trúa því að líf finnist á öðrum hnöttum en á sama tíma afneita algerlega þeim möguleika að í óendanlegri tilvist alheimsins og á tímum mannsins hafi slíkt samband einhvern tímann myndast við jörðina þegar við mannkynið erum nú þegar farið að hanna ýmsa tækni til þess að ferðast sjálf um okkar eigið sólkerfi. Þett er svona rétt eins og þegar fólk ímyndar sér að "Geimverur" séu ekki til á meðan það sjálft er geimvera. George Orwell kallaði þetta "Doublethink" í 1984.

Þetta er allt byggt á trú á einhverja kenningu sem Einstein kom með, hann myndi líklega sjálfur hlægja af þessu að fólk væri að taka þessu svona bókstaflega án þess að hugleiða aðra möguleika alveg eins og Jesú kristur myndi líklega láta sig hverfa þegar hann myndi sjá fólk tilbiðja hann vera pyntaðan á krossinum.

Bara svona smá fræðsluhorn, Þið vitið það að hlutirnir í kringum ykkur mynda það form sem þeir hafa þegar orkan sem þeir eru samsettir úr ómar á ákveðinni tíðni. Væri þá ekki rökrétt að fullyrða að þess vegna 'verur' frá öðrum plánetum væru að gera eitthvað svipað til þess að komast út fyrir tíðnisramma staðsetningar þeirra (annað sólkerfi) og staðsetja sig annað staðar í alheiminum einfaldlega með að óma orkunni á farartækinu á annan stað (aðra tíðni) í okkar veruleika (sólkerfi)?

Þið vitið þá væntanlega líka að kenningar Einsteins þar á meðal afstæðiskenningin styðja það sem ég var að gefa í skyn hérna, hann átti aðeins við þann tíðnisramma sem okkar veruleiki er að óma á og sú tíðni er hraði ljósins, eftir það stöðvast tíminn og þar áttu að geta staðsett hvað sem er í hvaða tímaramma sem er.

Gleymið því ekki að þessar kenningar hans mynduðust af því að hann var að ímynda sér þær og leitast eftir staðreyndum í kringum sig sem gætu stutt þessar hugsanir, alveg eins og maður er að gera við allt sem manni dettur í hug, þar á meðal að "Geimverur" hafi aldrei komið hingað. Það sem gerist er að trúarkerfið fer þá að leitast eftir réttlætingum og stuðningi sem gætu réttlætt þessar pælingar og yfirleitt eru þessar réttlætingar sálrænar á djúpu stigi, oftast bundið, þröngsýni, ótta og bæld eins og heimurinn er núna en er að færast í aukan að þær hallist að kærleik, réttlæti og opnum hug.

Reality is merely an illusion, albeit a very persistent one.

Albert Einstein .-

Kæru vinir endilega farið að vakna, þessi heimur er engan vegin eins og fólk hefur verið talið trú um að hann sé.

[Rebekka, 21.4.2009 kl. 07:07]

Ég hef heldur aldrei komið til Kína, Jón.  En ég hef borðað kínverskan mat, séð kínverskar kvikmyndir, séð Kínverja í sjónvarpinu (og kínverskt landslag og borgir). Ég á ýmislegt dót sem var búið til í Kína, hef séð kínverska bíla, þvottavélar og alls kyns heimilistæki, lesið um kínverska sögu og heimspeki þeirra og jafnvel nýlegar skáldsögur þaðan.  

Gæti ég sagt hið sama um bústað og menningu frá annarri plánetu, þá myndi ég 100% trúa á geimverur frá þeirri plánetu.  Ef Jón Jónsson fer allt í einu að fullyrða eitthvað um landið Langtíburtistan (æi það er þarna milli þessara -stan landa einhversstaðar) og íbúana þar, þyrfti ég aðeins betri sannanir en sögusagnir. 

Þessi heimur er engan vegin eins og fólk hefur verið talið trú um að hann sé.

Þessi heimur er engan veginn eins og fólki hefur verið talin trú um að hann sé.  Hvað meinarðu?

Svona fullyrðing finnst mér vera ógeðslega pirrandi.  Hún gefur í skyn að sá sem fullyrðir "sjái" meira en hin venjulegu Jón og Gunna, hafi einhverja leynda þekkingu, og að það sé eitthvert samsæri í gangi til að hindra fólk í að skilja hlutina.  Fullyrðing án nokkurra röksemda henni til stuðnings.

Segðu okkur, ó gúrú, hvernig er heimurinn þá eiginlega? HVAR eru allar þessar geimverur, fyrst það er svona einfalt að heimsækja okkur?  Væri ég með tækni til að heimsækja aðrar plánetur þar sem viti borið og meðvitað líf er til staðar, dytti mér allra seinast í hug að fara að krota eitthvað á akrana þeirra.  Til hvers að ferðast mörg ljósár bara til þess að birtast á óskýrum myndum og tala við fólk sem heldur fram skyggnigáfu?

Þið vitið það að hlutirnir í kringum ykkur mynda það form sem þeir hafa þegar orkan sem þeir eru samsettir úr ómar á ákveðinni tíðni. Væri þá ekki rökrétt að fullyrða að þess vegna 'verur' frá öðrum plánetum væru að gera eitthvað svipað til þess að komast út fyrir tíðnisramma staðsetningar þeirra (annað sólkerfi) og staðsetja sig annað staðar í alheiminum einfaldlega með að óma orkunni á farartækinu á annan stað (aðra tíðni) í okkar veruleika (sólkerfi)?

Þetta er áhugavert og þú gætir verið á réttri braut.  Skelltu þér í doktorsnám og þróaðu fjarflutningstæki og Nóbelsverðlaunin væru þín um leið.  Aðeins á færi geimvera?  Ef að ungur maður getur hugsað sér þetta mögulegt, því þá ekki hópur af þjálfuðum vísindamönnum, með öll tæki og tól?  Stephen Hawking væri pottþétt áhugasamur um þetta.

[jon (IP-tala skráð) 21.4.2009 kl. 12:56]

Hafsteinn..það er alveg mögulegt að "geimverur" geti orðið mun eldri enn við, kanski 1000 eða 5000 ára, þá eru 41 ár ekki langur tími, ef þú notar höfuðið, þá gætir þú t.d. ímyndað þér að þeir hafi aðeins betri farartæki en mannverur..möguleikarnri eru margir sem þið útilokið í þröngsýnni hugsun, það er nú ekki langt síðan að við sigldum, gengumi eða fórum ríðandi milli staða. Nú ferðumst við á milli heimsálfa á nokkrum klukkutímum, það var óhugsandi fyrir stuttu síðan.

Rebekka, þetta er allt bull sem þú segir um Kína, myndirnar og draslið sem þú kaupir eru falsanir og rangt merktar, þú hefur séð kínverska bíla ég trúi þér ekki, þetta er uppspuni og bull idiota sem ætti að setja á hæli (svona hljóma ykkar rök) . Rebekka ég ætla ekki að reyna að sannfæra þig, en hafðu það hugfast að jörðin var flöt fyrir stuttu síðan, hin "gáfaði" evrópumaður vissi ekki af tilvist S og N-Ameríku.

Þú ert eins og hornsíli í polli og heldur að þú sért ein í heiminum vegna þess að þú hefur ekki upplifað neitt annað. Vertu ekki svona pirruð yfir því að hafa ekkert ímyndunarafl, það er ekki okkur að kenna.

[Hákon Einar Júlíusson (IP-tala skráð) 21.4.2009 kl. 23:53]

Elsku rebekka mín, Þegar þú kallar mig gúru er það mikið meira "statement" um sjálfa þig heldur en nokkuð tímann mig. Ég var heldur ekkert að skipa neinum að sjá heiminn á ákveðinn hátt, þér er velkomið að sjá hann á þinn eigin hátt ég var einfaldlega að benda á það að til dæmis djúpsjávarfiskur veit ekkert rosalega mikið um það hvernig við förum að því að koma alla leið frá yfirborðinu niður á hafsbotn með kafbátum, en hann gæti hins vegar alveg ímyndað sér það (ef það)

[Rebekka, 23.4.2009 kl. 15:35]

Hellú, ég sagði aldrei að það væru ekki til neinar geimverur.  VIÐ erum geimverur (lifandi verur sem búa í geimnum = geimverur, er það ekki?).  Ég held samt ekki að geimverur séu að skemmta sér við að búa til mynstur í ökrum hjá fólki og eyðileggja þannig uppskeruna fyrir því.  Geimverur með nægar gáfur til geimferðalaga, ættu líka að hafa vit til þess að stofna til "sjáanlegra" sambands við okkur auma jarðarbúana. Til hvers annars væru þær að ferðast allt þetta?  Smá sunnudagsrúntur, eða hvað? 

Kannski misskildi ég þig Hákon.  Þessi setning "Þessi heimur er engan vegin eins og fólk hefur verið talið trú um að hann sé", les ég svona:  Fólki hefur verið talin trú um (af einhverjum) að heimurinn sé svona eða hinsegin, en hann er það ekki.  Svo kemur engin frekari útskýring og það pirrar mig.  Hver taldi okkur trú um þetta?  Hinir alræmdu "þeir"?  Hvernig er heimurinn þá eiginlega?  Þótt við vitum ekki ALLT um alheiminn, þýðir það ekki að við þurfum að efast um það litla sem við vitum nú þegar.

Það eru til myndir af geimskipum, segja sumir.  Það eru líka til myndir af álfum, draugum, ljóshnöttum, einhyrningum, skrímslum og jafnvel María Mey og Jesú taka sig til og birtast á alls kyns hlutum, frá vöfflum til gæludýra!  Sömuleiðis eru til hundruðir fólks sem sver allt fyrir að hafa séð þessa hluti (og margt annað dularfullt) með eigin augum.  Þýðir það að draugar og álfar séu pottþétt til?  Loch Ness skrímslið alheimsmeistari í feluleik?  Geimverur prakkarast á óskýrum myndum í fjarlægð, bara upp á djókið?