Kominn tími til að setja þak á kaupverð og laun

Stenst ekki freistinguna að skrifa um þetta rugl. Enginn fótboltamaður er 11 milljarða króna virði. Enginn. Þetta er lítilsvirðing við fátækt fólk út um allan heim og lítilsvirðing við fótboltan. Það er kominn tími til að setja þak á kaupverð og laun þessara manna, nú eða að skilda þessi lið til að gefa að minnsta kosti 10% af kaupverði leikmanna í góðgerðarmál.

Fyrir utan nú það að maðurinn er ekki svona ofboðslega miklu betri en Steven Gerrard, Lionel Messi, Andrés Iniesta, Xavi eða Christiano Ronaldo. Hann er ekki betri en Zidane var á sínum tíma. Zidane var yfirburðamaður, það er Kaká ekki.

Ég held með Liverpool og vildi frekar fá Xavi eða Iniesta í mitt lið frekar en Kaká, svo ekki sé minnst á Messi.

Þetta er ágætis lesning um þennan leikmann.

Ég hef komið til Brasilíu, bæði Sao Paulo og Rio de Janeiro. Ég held að þessum peningum yrði vel varið í uppbyggingu þar fremur en Vetrarbrautastefnu Florentino Perez.

Kaká til Real Madrid fyrir metfé

Athugasemdir

[pjakkurinn (IP-tala skráð) 9.6.2009 kl. 00:40]

Haltu áfram að horfa upp í himininn.Þið lúserpúl menn eruð bestir í því

[Brynjar Jóhannsson, 9.6.2009 kl. 03:05]

11 milljarðar - isss það er nú ekki neitt - fjárlagagatið sem við erum að fylla upp í er 20 milljarðar- og vextir af láninu eru 35 milljarðar árlega frá bretum.

Eða nei nei... vissulega há upphæð en það má ekki lýta frá því að svona fjárfestingar skila arði og er því oft um hrein og klár viðskipti að ræða.  Meðan fólk þrifst á því að horfa á svona menn leika sér með tuðrur verða til fótbolta lið eins og Real sem fara þessar leiðir. 

[Gulli (IP-tala skráð) 9.6.2009 kl. 07:37]

Það er búið að reyna að setja launaþak og það mistókst hrapallega, ef slíkt yrði reynt í dag yrðu menn líklega mun fljótari að finna leiðir framhjá því - svipað og er gert í amerísku íþróttunum.