Nóg að gera á Canaveralhöfða

Það er nóg um að vera á Canaveralhöfða í Flórída þessa dagana. Eftir að lekinn úr eldsneytistanki geimferjunnar uppgötvaðist á laugardaginn síðasta varð NASA að fresta öðru geimskoti fram um einn dag.

Annað kvöld, fimmtudagskvöldið 18. júní, verður tveimur nýjum tunglkönnunarförum, Lunar Reconnaissance Orbiter og LCROSS, skotið á loft, ef allt gengur eftir, klukkan 21:12 að íslenskum tíma. Þú getur lesið meira um þennan spennandi leiðangur á Stjörnufræðivefnum.

Geimskoti aftur frestað

Athugasemdir

[Lúlli (IP-tala skráð) 17.6.2009 kl. 14:17]

Af hverju á áreksturinn að vera 8. október? Er einhver ástæða fyrir því að við þurfum að bíða í tæpa 4 mánuði eftir honum? Tekur það svona langan tíma fyrir NASA að stilla miðið?

[Stjörnufræðivefurinn (www.stjornufraedi.is), 17.6.2009 kl. 15:49]

LCROSS losnar frá LRO tveimur klukkustundum eftir geimskot. Förinni er ekki heitið beint til tunglsins heldur verður geimfarinu komið fyrir á 100 daga langri pólbraut umhverfis jörðina og tunglið. Þetta er gert svo LRO hafi tíma til þess að koma sér fyrir á braut um tunglið og rannsaka heppilega gíga fyrir áreksturinn. Áður en skeytið (þ.e. efsta stig eldflaugarinnar) rekst á tunglið verður það að hafa losað sig við allt eldsneyti um borð. Eldsneytistankurinn verður því opnaður og eldsneytinu leyft að streyma út í geiminn í um 14 vikur fyrir áreksturinn. Þetta er gert til þess að vetnið og súrefnið í eldsneytinu gefi ekki falska niðurstöðu.

Þú getur séð ítarlegri lýsingu hér.

[Lúlli (IP-tala skráð) 18.6.2009 kl. 14:01]

Takk fyrir flott svar.

Bendi á athyglisverða þætti á BBC2 og BBC4 á sunnudagskvöldið um Apollo 11 og tunglið. Minni á að við erum einum tíma á eftir breskum tíma svo fjörið byrjar kl. 20 að íslenskum tíma.

BBC2 :

1. 21:00–22:00
   James May on the Moon

   James May commemorates the 40th anniversary of the Apollo moon landings.

BBC4 :

1. 22:00–22:30
   James May at the Edge of Space

   James May takes a rare and privileged flight 70,000 feet above Earth in a U2 spy plane.
2. 22:30–23:30
   The Moon

   Sean Pertwee takes a look at how our love affair with the moon has waxed and waned.
3. 23:30–01:30
   The Sky at Night
   Apollo 11: A Night to Remember

   Patrick Moore presents the story of mankind's first journey to another world in July 1969.