Einn merkasti atburður mannkynssögunnar

Milljónir manna fylgdust með því í beinni sjónvarpsútsendingu þegar Apollo 11 var skotið út í geiminn miðvikudaginn 16. júlí árið 1969, klukkan 13:32 að íslenskum tíma. Efst á Saturn V eldflauginni sátu þrír geimfarar um borð í Apollo 11. Fjórum dögum síðar, þann 20. júlí 1969, urðu þeir Neil Armstrong og Buzz Aldrin fyrstu mennirnir til að ganga á yfirborði annars hnattar. Í ár eru fjörutíu ár liðin frá einum merkasta atburði mannkynssögunnar; fjörutíu ár frá fyrstu fótsporunum á tunglinu.

Á Stjörnufræðivefnum er mjög ítarleg grein um leiðangurinn þar sem farið er yfir forsöguna, ferðalagið til tunglsins, tunglgöngurnar og heimkomuna.

• Apollo 11 - Fyrsta mannaða lendingin á tunglinu

Minnast fyrstu skrefanna á tunglinu

Athugasemdir

[Mr. Jón Scout Commander (IP-tala skráð) 15.7.2009 kl. 23:34]

Er líf í alheimi?

Ég heldað menn ættu að leita sér nær.

Mæli eindregið með því að þið skoðið tenglana á bloggsíðunni minni.

[Ágúst H Bjarnason, 16.7.2009 kl. 06:59]

Ég man vel hvar ég var staddur 20 júlí 1969.  Þá var ég á þeim stað á Íslandi sem líkist einna helst gíg á tunglinu, þ.e. Eldborg á Mýrum

 

Næstu lendingu fylgdist ég með í beinni útsendingu í litasjónvarpi þegar ég var við nám í Svíþjóð.

[Stjörnufræðivefurinn (www.stjornufraedi.is), 16.7.2009 kl. 08:59]

Ég hef einmitt mjög gaman af því að heyra um hvar fólk var þegar tungllendingin átti sér stað. Þetta er einmitt þannig atburður að fólk man nákvæmlega eftir honum.

[Helgi Hrafn Gunnarsson (IP-tala skráð) 16.7.2009 kl. 22:43]

Allra merkasti atburður mannkynssögunnar, segi ég. Að þrír menn hafi stigið á tunglið og komið heilir á húfi sannaði að við gætum lifað í geimnum, þ.e. annars staðar en á jörðinni, sem gerir okkur að merkilegustu lífveru í sögu jarðar. Sú saga gefur í skyn að við gætum jafnvel lifað af dauða plánetunnar, að því gefnu að við náum að halda henni í gangi í nokkurhundruð ár í viðbót.