Að gefnu tilefni

Rakst á frétt á Vísi.is um ekki-heimsendinn árið 2012. Mér sýnist nú fréttin skrifuð í kaldhæðni og gríni þannig að ég hef lítið hana að athuga, utan eitt atriði. Í fréttinni er vitnað í Maja indíána sem segir:

Sannleikurinn sé ósköp einfaldur, þeir sem gerðu dagatalið á 6. öld fyrir Krists burð vissu einfaldlega að á 25.800 ára fresti lentu jörðin, sólin og miðja vetrarbrautarinnar í beinni línu. Það myndi gerast þennan dag árið 2012 og því upplagt að láta dagatalinu lokið á þeim tímapunkti, segir Pixtun pirraður og frábiður sér meira rugl frá nýaldarsinnum, sjálfskipuðum Nostradamusar-spekingum og fólki sem hefur horft of mikið á History Channel-sjónvarpsstöðina.

Miðja Vetrarbrautarinnar er í stjörnumerkinu bogmanninum. Af því leiðir að sólin, jörðin og miðja Vetrarbrautarinnar eru í beinni línu á hálfs árs fresti. Þegar sólin er í bogmanni, seinni hluta desember og fram í miðjan í janúar, eru jörðin, sólin og miðja Vetrarbrautarinnar í beinni línu. Sex mánuðum seinna, þegar sólin er í tvíburunum, raðast sólin, jörðin og miðja Vetrarbrautarinnar aftur í beina línu. 

En ég er sáttur með þessa frétt. Þetta 2012 rugl er með eindæmum vitlaust... svona álíka vitlaust og tungllendingarsamsærisbullið... og geimveruheimsóknir. 

Endum þetta á frábæru lagi með bestu hljómsveit í heimi.

Athugasemdir

[Arnar, 12.10.2009 kl. 10:15]

Bíð spenntur eftir því að allir þessir 2012 heimsendasamsæriskenningarsmiðir uppgötvi Apophis.

Apophis er þó amk. til öfugt við td. goðsagnaplánetan Niribu/PlanetX.

2036 og 2068 verða spennandi ár :)

[Stjörnufræðivefurinn (www.stjornufraedi.is), 12.10.2009 kl. 10:53]

Þeir eru áreiðanlega til, en það er svo langt þar til það gerist að fjölmiðlar nenna sennilega ekki að hafa áhuga á því.

Reyndar benda nýjustu mælingar stjörnufræðinga að hættan af Apófis hafi verið ofmetin, því miður segi ég því þetta hefði getað orðið mjög spennandi. Sjá hér.

[Jón Steinar Ragnarsson, 12.10.2009 kl. 10:57]

Afstaðan í sólkerfinu í dag er algerlega einstæð líka og hefur ekki verið eins í 25.800 ár.

[Sverrir (IP-tala skráð) 12.10.2009 kl. 12:12]

Góður pistill, en þetta á samt að vera „AÐ gefnu tilefni".

[Stjörnufræðivefurinn (www.stjornufraedi.is), 12.10.2009 kl. 12:35]

Takk fyrir að leiðrétta það! Búinn að lagfæra.

Og já, við lifum alltaf á einstökum tímum þegar heimsendir er á næsta leyti.

[Siggi (IP-tala skráð) 12.10.2009 kl. 21:27]

Takk fyrir bloggin og stjörnufræðivefinn, hann er fræðandi og einstaklega skemmtilegur.

Þetta með bestu hljómsveitina, er það vísindalegt? ;)

[Stjörnufræðivefurinn (www.stjornufraedi.is), 13.10.2009 kl. 10:18]

Takk fyrir hrósið.

Og já, það er fyrir löngu vísindalega sannað (af mér) að R.E.M. er besta bandið.