Málstofa um Galíleó Galilei

Málstofa um Galíleó Galilei verður haldin í Þjóðminjasafninu laugardaginn 31. október kl. 13. Málstofan er haldin í tengslum við árlega viku ítölskunnar sem er haldin víða um heim. Þar mun yours truly segja frá Galíleósjónaukanum og þátttöku Íslands í Alþjóðlegu ári stjörnufræðinnar 2009.

Í ár eru 400 ár liðin frá því að Galíleó Galilei gerði merkar uppgötvanir á sviði stjörnufræði en árið 1609 frétti Galíleó af furðulegu ljósfræðitæki í Hollandi, og skömmu síðar tókst honum að smíða sjónauka. 

Fyrirlestrar verða fluttir á ensku. Dagskrána er að finna hér.

----

Í Vísindaþætti gærdagsins kom Ari Trausti Guðmundsson í heimsókn. Við ræddum vítt og breitt við hann um vísindamiðlun og þættina hans um nýsköpun og íslensk vísindi sem sýndir eru í Ríkissjónvarpinu. 

Hægt er að hlusta á þáttinn hér.

Þess má geta að Ari mun halda fyrirlestur í kvöld (miðvikudagskvöld) um vísindamiðlun á vegum Vísindafélags Íslands. Fyrirlesturinn hefst klukkan 20 og fer fram í Norræna húsinu. Sjá nánar tilkynningu hér.

 

Athugasemdir

[Atli Már (IP-tala skráð) 28.10.2009 kl. 16:27]

Vill henda á ykkur þökkum fyrir vel unnin störf að auðvelda aðgengi almennings á vísindum.

[Arnar Pálsson, 28.10.2009 kl. 18:03]

Hamingjan, Galíleo og Darwin í árekstri. Aumingja Darwin og froskarnir hans verða að klessu undir himintungli.

[Arnar Pálsson, 28.10.2009 kl. 18:04]

Takk fyrir að benda á fyrirlesturinn hans Ara, sjónvarpsþátturinn hans er líka ágætur.

[Stjörnufræðivefurinn (www.stjornufraedi.is), 28.10.2009 kl. 23:03]

Atli Már, þakka þér kærlega fyrir það. Að deila áhuga okkar og ástríðu á vísindum er með því skemmtilegra sem við gerum.

Arnar, já það er óheppilegt hvernig atburðir í Háskólanum lenda oft á sama tíma. Við lentum í þessu fyrr á árinu með fyrirlestraröð stjörnufræðiársins. Á sama tíma voru heimspekifyrirlestrar. Ég vona bara að málþingið um Galíleó og fyrirlesturinn um Darwin verði vel sótt.