Sorglegt!

Þegar þingmaður lætur í ljós fáfræði sína á svo afgerandi hátt þá veltir maður fyrir sér hvort alþingi sé treystandi yfihöfuð. Hér þeytir Ragnheiður fram hugtökum á borð við orkusvið, egglaga hjúp jarðar (?!?), tíma, sem enginn vísindalegur grunnur er fyrir. Ef eitthvað væri til í þessu væru þessi fræði heimsfræg. Ástæðan fyrir að þessi bylting hefur ekki orðið er einföld: þetta á við engin rök að styðjast. Og þegar þingmenn telja sig ekki þurfa rök fyrir fullyrðingum sínum þá er mér órótt.

Ekki veit ég hvort fréttakonan sé að gera gys að þingmanninum þegar hún spyr: "Nú hefur þú hæfileika til að sjá fram í tímann..." en tónninn er kaldhæðnislegur. 

Íslenskt samfélag er reyndar vaðandi í spákonum, miðlum, árulesurum, heilunar"fræðingum", ilmolíulækningum, álfadýrkendum, hómópötum og ýmis konar sjálfmenntuðum rafsegulgeislunarfræðingum. Ef til vill er þingmaður á þessum nótum einfaldlega fulltrúi sinna líkra á þingi. Eins konar þverskurður af þjóðfélaginu. 

Ég er viss um að Ragnheiður sé ekki að blekkja fólk með "gáfum" sínum. Ég er viss um að hún trúi því virkilega að hún sé einhverjum hæfileikum gædd. Þess vegna er ekki ráðlegt að hún blandi þeim við þingstörfin.

 

Þingmaður og árulesari

Athugasemdir

[Björn Jónsson, 13.2.2009 kl. 21:00]

Ég verð að viðurkenna að ég vissi varla hvort ég ætti að hlæja eða gáta þegar ég sá þetta.

Mér fannst alþingi vera komið niður á frekar lágt plan, en ekki var þetta til að bæta það.

[TARA, 13.2.2009 kl. 21:06]

Finnst þetta dálítð undarlega til orða tekið, en hvað veit ég svo sem um þetta !!

[Hólmfríður Ásta Steinarsdóttir (IP-tala skráð) 13.2.2009 kl. 21:14]

Hún sagði að maðurinn væri með egglaga hjúp líkt og jörðinn hún sagði ekkert um að jörðinn væri með egglagahjúp.

Finnst ósköp eðlilegt að fólk sé með orkusvið líkt og jörðinn.

En hver hefur sínar skoðanir.

[Addi (IP-tala skráð) 13.2.2009 kl. 21:21]

Rétt athugasemd hjá Hólmfríði... "alveg eins og jörðin hefur hjúp" sagði hún.

[Kári (IP-tala skráð) 13.2.2009 kl. 21:25]

Það er einmitt málið. Hvaða orkusvið hefur jörðin? Hvers konar orku erum við að tala um? Ef fólk fleygir fram einhverju svona þá á það að geta rökstutt mál sitt.

"Hver hefur sínar skoðanir": Þetta er ekki spurning um skoðanir eða trúarbrögð. Þetta er spurning um staðreyndir. 

[Ingibjörg Hinriksdóttir, 13.2.2009 kl. 23:23]

Mér fannst þetta bara sætt!

[Rikilius (IP-tala skráð) 14.2.2009 kl. 02:01]

Alheimurinn er fullur af orku, við erum orka. Þess má geta að hún er ekki sá eina innan F flokksins sem sér árur, það gerir líka nýr meðlimur flokksins. Það geta allir séð árur ef þeir leggja það á sig að læra það...

[Páll Jónsson, 16.2.2009 kl. 17:06]

Enn ein ástæðan til að forðast Frjálslynda flokkinn. Voru vafasamar aðdróttanir í garð útlendinga ekki nóg, þurfti virkilega að koma andlega vanheilu fólki á þing?

Sheesh