Um tungllendingarsamsærið og fleira

Í gær og í dag hef ég verið gestur í þremur útvarpsviðtölum vegna fjörutíu ára afmælis Apollo 11. Í gær var ég gestur í Víðsjá á Rás 1 og Harmageddon á X-inu 977. Í morgun var ég svo í stuttu spjalli við Gulla Helga og Heimi Karls í Íslandi í bítið. Í viðtalinu við Víðsjá var meira fjallað um leiðangurinn sjálfan en í hinum tveimur þar sem áherslan var meira á tungllendingar-ekki-samsærið.

Ef svo ólíklega vildi til að einhverjir vilji hlusta á þessi viðtöl, er þau að finna hér:

• Víðsjá

• Harmageddon (viðtalið ætti að koma inn síðar í dag að sögn Frosta á X-inu)
  

• Ísland í bítið

Þrátt fyrir að fjölmiðlar hafi sýnt þessum tímamótum áhuga, finnst mér frekar leiðinlegt að tungllendingin, afrekið sjálft, falli í skuggann af þessari heimskulegu samsæriskenningu. Ferðalag geimfaranna var og er miklu meira spennandi. Sannleikurinn er miklu áhugaverðari en ævintýrin sem samsærissinnarnir hafa spunnið.

----

Vísindaþátturinn fer í frí í þrjár til fjórar vikur í dag. Við Björn Berg munum taka upp þráðinn aftur í lok ágúst með nýja og ferska þætti. Á meðan er hægt að hlusta á gamla þætti hér.

---

Eitthvað rakst á Júpíter!